“SOCAR Polymer”in məhsul keyfiyyəti laboratoriyasından beynəlxalq uğur!

“SOCAR Polymer”in keyfiyyətə nəzarət laboratoriyası beynəlxalq səviyyədə tanınan “ASTM Proficiency Test Program (PPIS2510)” çərçivəsində əldə etdiyi yüksək nəticələrlə texniki peşəkarlığını bir daha təsdiqlədi.

Beynəlxalq səviyyədə razılaşdırılmış göstəricilərə yüksək uyğunluq, habelə ən qabaqcıl laboratoriya praktikaları nümayiş etdirən aparıcı qlobal polimer istehsalçıları və tədqiqat mərkəzləri ilə yanaşı "SOCAR Polymer" laboratoriyasının da fəaliyyəti qiymətləndirildi.

Rəsmi hesabatlara əsasən, “SOCAR Polymer”in laboratoriyası bütün qiymətləndirilən parametrlər üzrə yüksək dəqiqlik, ölçmə stabilliyi və güclü metodoloji nəzarət nümayiş etdirdi. Əldə olunan nəticələr standart qəbul meyarlarının tələblərini əhəmiyyətli dərəcədə üstələyərək beynəlxalq istinad dəyərlərinə “mükəmməlliyə-yaxın uyğunluq” səviyyəsini göstərdi.

Bu nailiyyət “SOCAR Polymer”in güclü keyfiyyət idarəetmə sistemini, müasir laboratoriya infrastrukturunu və yüksək ixtisaslı texniki heyətini bir daha önə çıxarır.

Kvalifikasiyanın yoxlanaraq təsdiqlənməsi məqsədli beynəlxalq proqramlarda mütəmadi iştirak ISO/IEC 17025 standartlarının tələblərinə tam uyğunluğu təmin edir, analitik nəticələrin etibarlılığını artırır və müştərilərin məhsul keyfiyyətinə olan etimadını daha da möhkəmləndirir.

Əldə olunan nailiyyət “SOCAR Polymer”in beynəlxalq səviyyədə tanınan, yüksək keyfiyyətli polimer məhsulları istehsal edən etibarlı qlobal istehsalçı mövqeyini bir daha təsdiqləyir.

“SOCAR Polymer” davamlı inkişaf, innovasiya və ən yüksək keyfiyyət standartlarına sadiq qalaraq qlobal polimer sənayesinin inkişafına töhfə verməyə davam edir.